မင်္ဂလာပါ။ ဒီနေ့တော့ အမေရိကန်နိုင်ငံ၊ လတ်စ်ဗေးဂစ် မြို့လေးက Stratosphere Las Vegas အကြောင်းလေးကို အမှတ်တရ အနေနဲ့ ပို့စ်တင်လိုက်ပါတယ်။ လမ်းကြုံတုန်း ကြွားလိုက်ဦးမယ်။ ကျွန်တော်တော့ ရောက်ဖူးဘူးဗျ။ ဟီး...
အဲဒီ တာဝါ မှာ ဟော်တယ် နဲ့ လောင်းကစားခန်းမ တွဲဖွင့်ထားတာပါ။ အမြင့် ၁၁၄၉ပေ (၃၅၀ မီတာ) ရှိပါတယ်။ လတ်စ်ဗေးဂစ် မြို့ဟာ ကမ္ဘာမှာ ကာစီနို မြို့တော်ရယ်လို့ နာမည်ကြီးလူသိများပါတယ်။ ၁၉၉၆ ခုနှစ်ကစတင်ဖွင့်လှစ်ခဲ့တာဆိုတော့ အခုဆိုရင် ၁၂ နှစ်ကျော်လာပါပြီ။ 
တာဝါအပေါ်ဆုံးမှာတော့ ဆုံလည်စားသောက်ခန်းမ၊ ရှုခင်းကြည့် နေရာ ၂ခု နဲ့အတူ စိတ်လှုပ်ရှားဖွယ်ရာ ကစားနည်း ၃ ခုရှိပါတယ်ဗျာ။ 
၁။ The Big Shot
၂။ X SCREAM
၃။ Insanity the Ride တို့ဖြစ်ပါတယ်။
အပေါ်ပုံလေးက နံပါတ် (၁) Big Shot ကစားနည်းလေးပါ။ အလားတူ ကစားနည်းမျိုး ဟောင်ကောင်က အိုးရှင်းပတ်ခ်မှာ ကစားဖူးပါတယ်။ ထိုင်ခုံမှာ နေရာယူပြီး အပေါ်တက်နေစဉ်မှာ အရမ်းအရမ်းကို နောင်တရမိပါတယ်။ ဆင်းပြေးလို့လဲမရ... ခန္ဓာကိုယ်ကို အောက်ပြုတ်မကျအောင် အသေညှပ်ထားတာကိုး။ မျက်လုံးစုံမှိတ်ထားလိုက်တာ အောက်ကိုဘယ်လို ပြန်ရောက်နေမှန်းတောင် မသိလိုက်ဘူး။ ဟီးဟီး... ကောင်းလိုက်တဲ့ သတ္တိနော်...
အပေါ်မှာ မြင်ရတဲ့ ရိုလာကိုစတာ ကစားနည်းကိုတော့ ၂၀၀၅ ခုနှစ်ကုန်မှာ ရပ်နားထားလိုက်တယ်လို့ သိရပါတယ်။ 
ဒီကစားနည်းတွေအားလုံး ကစားရတာ သည်းထိပ်ရင်ဖိုစရာ အရမ်းကောင်းမယ်လို့ ထင်ပါတယ်။ ကျွန်တော်ကတော့ ဖိုးဘီးယား (Phobia) အကြောက်ရောဂါတွေထဲက Aeroacrophobia (Fear of open high places) ရှိလို့ စီးရဲဘူး။ ဟီးဟီး... မြေကြီးပေါ်မှာ ဆောက်ထားတာဆိုရင် တော်သေး။ သိပ်မမြင့်တော့ဘူးပေါ့။ နဂိုကတည်းက အမြင့်ကြောက်တဲ့ရောဂါ Acrophobia နဲနဲရှိတာ။ တော်ရုံတန်ရုံ အမြင့်ကနေ အောက်ဆုံးကို ငုံ့မကြည့်ရဲဘူး။ ဟီး.. ဟီး.... (နောင်များမှ ဖိုးဘီးယား အကြောင်းလေးလဲ ရေးပါဦးမယ်။)
Stratosphere Las Vegas ! ရဲ့ OFFICIAL WEBSITE မှာလဲ အကျယ်တဝင့် လေ့လာနိုင်ပါတယ်ဗျာ။ ကစားနည်းတွေရဲ့ ဈေးနှုန်းလေးတွေလဲ ရေးထားပါတယ်။ Las Vegas မြို့လေးကို ရောက်ခဲ့ရင်တော့ သွားသင့်တဲ့ နေရာလေးတစ်ခုပါလို့ မှတ်ချက်ပြုလိုက်ပါတယ်ဗျာ။ စာဖတ်သူများ ဗဟုသုတ တိုးပွားနိုင်ကြပါစေနော်။
ရွှင်လန်းချမ်းမြေ့ကြပါစေ။
ယခုပို့စ်ကို ပုံနှိပ်ရန်။
No comments:
Post a Comment